FAQs Complain Problems

रैनादेवी छहरा गाउँपालिकाको संक्षिप्त परिचय

पाल्पा जिल्लामा १० वटा स्थानीय तह कायम गरिएकाे छ। ती मध्ये रैनादेवी छहरा पनि एक हाे । साविकका ८ गाउँ विकास समितिहरू सिद्धेश्वर, सोमादी, भुवनपोखरी, छहरा, मुजुङ, जुठापौवा, बल्ढेङ्गगढी र सत्यवतीलाई मिलाएर एउटा नयाँ संरचना : रैनादेवी छहरा गाउँपालिका निर्माण भएकाे हाे । कुल क्षेत्रफल १७५.८८ वर्ग किलोमीटरमा फैलिएको यस गाउँपालिकाको २०६८ को जनगणना अनुसार जनसंख्या २६,४६९ रहेको छ। १० वटा स्थानीय तह मध्ये सबैभन्दा धेरै जिल्ला (३ जिल्ला) सँग सिमाना जाेडिएकाे रैनादेवी छहरा गाउँपालिकाकाे पूर्वमा रिब्दीकोट गाउँपालिका र तिनाउ गाउँपालिका, पश्चिममा आर्घाखाँची जिल्ला, उत्तरमा गुल्मी जिल्ला तथा दक्षिणमा रुपन्देही जिल्ला पर्दछ। ऐतिहासिक धार्मिक धराेहर रैनादेवी मन्दिर र प्रकृतिकाे अनुपम छटा छहराकाे समिश्रणवाट यस गाउँपलिकाकाे नाम रैनादेवी छहरा राखिएकाे हाे । यस गाउँपालिकामा ५१ इ.सि.डी, ३५ प्रार्थमिक विद्यालय, १५ आधारभुत विद्यालय, ५ माध्यमिक विद्यालय, ७ उच्च माध्यमिक विद्यालय र २ वटा क्याम्पस रहेका छन् ।

 

  • बजार क्षेत्र: अमलाबास बजार, छहरा बजार, जुठा बजार, म्यालढाप बजार।
  • पर्यटकीय क्षेत्र: धार्मिक पर्यटन, पर्यापर्यटन, ग्रामिण पर्यटन, खेल पर्यटन, साहसिक पर्यटनको सम्भावना।
  • प्रमुख पेशा: कृषि, व्यापार र नोकरी रहेको। खासगरीकन व्यवसायिक रुपमा सुन्तला र टमाटर खेतीका लागि स्थानीय, राष्ट्रिय र अन्तर्राष्ट्रिय क्षेत्रमा प्रख्यात रहेको छ।
  • जातजाती: क्षेत्री, बाहुन, मगर, दमाई, कामी रहेका ।
  • संस्कृति: समन्वयात्मक, बहुल संस्कृति रहेका जातानुसार कालिका पुजा, सोरठी नाच, सराय नाच जस्ता नाचगान हुनेगरेका ।