रैनादेवी छहरा गाउँपालिकाको आयोजनामा गाउँपालिकाका महिला जनप्रतिनिधिहरुको क्षमता विकास गर्ने उद्देश्यका साथ संचालन गरिएको उद्घोषण तालिम आज मिति २०७६/११ /१ गतेका दिन  सम्पन्न भएको छ । गाउँपालिका भित्रका महिला जनप्रतिनिधिहरुको सहभागिता रहेको उक्त तालिमको समापन कार्यक्रममा  गाउँपलिकाकी उपाध्यक्ष श्रीमती चेत कुमारी थापाको सभापतित्व रहेको थियो भने गाउँ कार्यपालिकाका लेखा अधिकृत श्री लिलामणि बस्याल, योजना अधिकृत श्रीमती अमृता पौडेल, सूचना प्रविधि अधिकृत नारायण मल्ल, प्रशिक्षक दिपु मगर लगाएतको आतिथ्यता रहेको थियो । 

उक्त कार्यक्रमका सहभागीहरु मध्ये श्रीमती कमला थापा, श्रीमती भगवती पोखरेलले कार्यक्रममा सिकेका सीपको बारेमा बोल्नुभएको थियो भने  गाउँपलिकाकी उपाध्यक्ष श्रीमती चेत कुमारी थापा, लेखा अधिकृत श्री लिलामणि बस्याल, योजना अधिकृत श्रीमती अमृता पौडेल,  प्रशिक्षक दिपु मगर लगाएतले उक्त तालिमको महत्वको बारेमा प्रकाश पार्नुभएको थियो । कार्यक्रममा गंगा घिमिरे र सुधा पौड्यालले सहजीकरण गर्नुभएको थियो ।