२०८० असार १८ गते
रैनादेवी छहरा गाउँपालिकाका विद्यालय व्यवस्थापन समितिका अध्यक्षहरूका लागि "विद्यालय व्यवस्थापकहरूका लागि विद्यालय व्यवस्थापन सम्बन्धी एक दिवसिय क्षमता विकास तालिम" सञ्चालन भएको छ ।

तालिमको उद्घाटन समारोह गाउँपालिका अध्यक्ष श्री रुक्माङ्गत भट्टराईको अध्यक्षतामा सम्पन्न भएको थियो । कार्यक्रममा २ नं वडाध्यक्ष श्री दान बहादुर पौडेल, ३ नं वडाध्यक्ष श्री प्रदिप पौडेल, ४ नं वडाध्यक्ष श्री गोविन्द बहादुर रायमाझी, ५ नं वडाध्यक्ष तथा सामाजिक विकास समिति संयोजक श्री हुमान सिंह कार्की, ८ नं वडाध्यक्ष श्री रेम बहादुर राना, सामुदायिक विद्यालय व्यवस्थापन समिति महासंघका केन्द्रिय उपाध्यक्ष श्री नल बहादुर राना, शिक्षा अधिकृत श्री निशा पाण्डेको आतिथ्यता रहेको थियो ।

सहभागी व्यवस्थापन समितिका अध्यक्षहरूलाई जिल्ला शिक्षा विकास समन्वय इकाई, रुपन्देहीका प्रमुख श्री दिपेन्द्र ढकालले प्रशिक्षण दिनुभएको थियो । कार्यक्रम सञ्चालन शिक्षा शाखाका प्रा.स. श्री राजाराम भाटले गर्नुभएको थियो।