२०८०/०५/०४

रैनादेवी छहरा - ७, बेलबासमा अस्थायी प्रहरी पोष्ट स्थापना गरिएको छ । उद्घाटन समारोहका अध्यक्ष गाउँपालिका अध्यक्ष श्री रुक्माङ्गत भट्टराई र प्रमुख अतिथि प्रमुख जिल्ला अधिकारी श्रीमान् बन्धु प्रसाद बास्तोलाले प्रहरी पोस्टको समुद्घाटन गर्नुभएको थियो । समारोहमा जिल्ला प्रहरी कार्यालयका प्रहरी उपरीक्षक श्री हेरम्ब शर्मा, सशस्त्र प्रहरी बलका नायब उपरीक्षक श्री एकराज बुर्लाकोटी, अनुसन्धान अधिकृत श्री गोपाल पन्थी, सैनामैना नगरपालिकाका १० नं वडा अध्यक्ष श्री कृष्ण प्रसाद घिमिरे, रैनादेवी छहरा गाउँपालिका ६ नं वडा अध्यक्ष श्री दोम बहादुर घर्ति, ८ नं वडा अध्यक्ष श्री रेम बहादुर राना, कार्यपालिका सदस्य श्री सुकमाया वि. क., श्री कविता खनाल, वडा सदस्यहरू, विभिन्न राजनीतिक दलका प्रमुख/प्रतिनिधिहरूको अतिथिको रुपमा उपस्थित रहेको थियो।

गाउँपालिका का प्रवक्ता तथा ७ नं वडा अध्यक्ष श्री देवेन्द्र पुनले स्वागत मन्तव्य दिनुभएको थियो, कार्यक्रम सञ्चालन प्रमुख प्रशासकीय अधिकृत श्री दिनेश सारुले गर्नुभएको थियो । बेलबास स्थित प्रहरी पोष्टले सो भेगका क्षेत्रमा शान्ति, सुरक्षा तथा सुशासन कायम गर्ने, आपराधिक गतिविधिहरु नियन्त्रण गर्ने विश्वास लिइएको छ ।