जेठ १३, २०७९। रैनादेवी छहरा गाउँपालिकाको वार्षिक स्वीकृत कार्यक्रम अन्तर्गत कृषकहरूलाई कृषि सामग्री वितरण कार्यक्रम आज सम्पन्न भएको छ। गाउँपालिका अध्यक्ष रुक्माङ्गत भट्टराईको अध्यक्षतामा भएको एक कार्यक्रमका बिच कृषकहरूलाई प्लाष्टिक टनेल, मल्चिङ्ग प्लाष्टिक, मौरी घार लगाएतका विभिन्न कृषि सामग्रीहरू वितरण गरिएको छ। उक्त कार्यक्रममा गाउँपालिका उपाध्यक्ष युवराज थापा, प्रमुख प्रशासकीय अधिकृत राजीव पन्थी, कृषि शाखाका कर्मचारीहरू लगाएतको उपस्थिति रहेको थियो। कार्यक्रममा बोल्दै अध्यक्ष, उपाध्यक्ष, प्रमुख प्रशासकीय अधिकृत सबैले अनुदानमा पाएका कृषि सामग्रीको सदुपयोग गरेर कृषकहरूले प्रगति गर्नुहुनेछ भन्ने विश्वास व्यक्त गर्नुभएको थियो।