२०८०/०२/०५ गते

रैनादेवी छहरा गाउँपालिकाको आयोजनामा मुख्यन्त्री शैक्षिक सुधार कार्यक्रम अन्तर्गत पूर्व प्राथमिक तहमा अध्यापनरत सहजकर्ताहरूका लागि क्षमता अभिवृद्धि तालिम सम्पन्न भएको छ।

गाउँपालिका अध्यक्ष श्री रुक्माङ्गत भट्टराईको अध्यक्षता, प्रमुख प्रशासकीय अधिकृत श्री दिनेश सारु, सामाजिक विकास समितिका संयोजक श्री हुमान सिंह कार्की, आर्थिक विकास समितिका संयोजक श्री प्रदिप पौडेल, मुख्यमन्त्री शैक्षिक सुधार कार्यक्रम समिति सदस्यहरू श्री शारदा के.सि. रायमाझी र श्री पदम सोमैको आतिथ्यता र शिक्षा अधिकृत श्री निशा पाण्डे, प्रा.स. श्री राजाराम भाट लगायतको उपस्थितिमा समापन कार्यक्रम सञ्चालन भएको थियो।

समापन कार्यक्रममा अध्यक्ष रुक्माङ्गत भट्टराईले प्रशिक्षक प्रमिता पाण्डे र राजकुमार घिमिरेलाई प्रशंसा पत्र तथा मायाको चिनो प्रदान गर्नुभएको थियो। साथै सहभागी सहजकर्ताहरू मार्फत विद्यालयहरूलाई सिकाई सामग्री तथा प्रमाण पत्र प्रदान गरिएको थियो।