२०७८/०३/२९, छहरा

रैनादेवी छहरा गाउँपालिका, मुख्यमन्त्री ग्रमीण विकास तथा रोजगार कार्यक्रमको वार्षिक कार्यक्रम अन्तर्गत कृषिजन्य सामग्रीहरू वितरण गरिएको छ। एक समारोहका बिच गाउँपालिकाका अध्यक्ष राम बहादुर कार्की, उपाध्यक्ष चेत कुमारी थापा, प्रमुख प्रशासकीय अधिकृत इन्द्र बहादुर क्षेत्रीले कृषकहरूलाई बिउविजन, च्याउ खेतिको लागि टनेल, तरकारी खेतिको लागि टनेल, मल तथा बोएर बोका वितरण गर्नुभएको छ। कार्यक्रममा बोल्दै गाउँपालिकाका अध्यक्ष राम बहादुर कार्की, उपाध्यक्ष चेत कुमारी थापा, प्रमुख प्रशासकीय अधिकृत इन्द्र बहादुर क्षेत्रीले कृषकहरूले प्राप्त सामग्रीहरूको सदुपयोग गरेर कृषिमा उपलब्धि हासिल गर्नुपर्नेमा जोड दिनुभयो। कार्यक्रमको सञ्चालन  मुख्यमन्त्री ग्रमीण विकास तथा रोजगार कार्यक्रमकी सहजकर्ता गीता कुमारी भट्टराईले गर्नुभएको थियो र उक्त कार्यक्रममा गाउँपालिकाका प्रवक्ता विष्णु प्रसाद पोखरेल, कृष शाखा प्रमुख सुनिता पोखरेल, पशु शाखा प्रमुख पारसमणि पाण्डे लगायतको उपस्थिति रहेको थियो।