२०८० फागुन २० गते

ने.स. ११४४ सिल्लागा, ८ आइतवार

रैनादेवी छहरा गाउँपालिकाको वार्षिक स्वीकृत कार्यक्रम अनुसार उपाध्यक्षसँग युवा कार्यक्रम अन्तर्गत हाते ट्याक्टर तथा कुटानी पिसानी मिल मर्मत सम्बन्धी १ महिने तालिम सञ्चालन भइरहेको छ । तालिमको उद्घाटन कार्यक्रम गाउँपालिका उपाध्यक्ष युवराज थापाको अध्यक्षता, प्रमुख प्रशासकीय अधिकृत कृष्ण प्रसाद तिमिल्सिना, ३ नं वडाध्यक्ष तथा आर्थिक विकास समितिका संयोजक प्रदिप पौडेल, ५ नं वडाध्यक्ष तथा सामाजिक विकास समितिका संयोजक हुमान सिंह, कार्यपालिका सदस्य तथा वन, वातावरण तथा विपद् व्यवस्थापन समितिका संयोजक महेश बराल, कार्यपालिका सदस्य गिता रानाको आतिथ्यतामा सञ्चालन भएको थियो ।

उद्घाटन कार्यक्रम कृषि विकास शाखाका ना.प्रा.स. गणेश खत्रीले संचालन गर्नुभएको थियो र  स्वागत मन्तब्य पशु सेवा शाखाका ना.प.स्वा.प्रा. पारसमणि पाण्डेले दिनुभएको थियो । १ महिने तालिममा सहभागी २० जना प्रशिक्षार्थीहरूलाई प्रशिक्षकद्वय चुरा बहादुर थापा र रमेश खत्रीले प्रशिक्षण दिनुहुनेछ ।