रैनादेवी–छहरा गाउँपालिकाले आयोजना गरेको महिला आय आर्जन तथा सीप वृद्वि कार्यक्रम सम्पन्न भएको छ । गाउँपालिका भित्रका महिलाहरुलाई विभिन्न सीप विकासका तालिम प्रदान गरेर आत्मनिर्भर बनाउने उद्देश्यले उक्त कार्यक्रमको आयोजना गरीएको थियो । मिति २०७६।१०।१२ गते सुरु भई २०७६।१०।२२ गते समापन भएको उक्त कार्यक्रमको समापन समारोहमा गाउँपालिकाका अध्यक्ष राम बहादुर कार्की, उपाध्यक्ष चेत कुमारी थापा, प्रमुख प्रशासकीय अधिकृत खेत बहादुर खत्री लगायतको उपस्थिति थियो । कार्यक्रम अवधिभर राधिका खनालले सहभागीहरुलाई प्रशिक्षण दिनुभएको थियो ।