मिति २०७७ कार्तिक १६ गते रैनादेवी छहरा गाउँपालिका, वडा नं ४ का कृषकहरुलाई बाँझो जग्गा उपभोग गरेबापत अनुदान वितरण कार्यक्रम सम्पन्न गरियो। उक्त कार्यक्रममा गाउँपालिकाका अध्यक्ष श्री राम बहादुर कार्की, उपाध्यक्ष श्री चेत कुमारी थापा, गाउँपालिकाका प्रवक्ता एवं वडा नं ४ का वडाध्यक्ष श्री बिष्णु प्रसाद पोखरेल, प्रमुख प्रशासकीय अधिकृत श्री खेत बहादुर खत्री लगायत कृषि तथा पशु विकास शाखाका कर्मचारीहरुको पनि उपस्थिति रहेको थियो। कार्यक्रमको संचालन वडा नं.४ का वडा सचिव  रविन्द्र रायमाझीले गर्नुभएको थियो। उक्त कार्यक्रममा प्रमुख प्रशासकीय अधिकृत खेत बहादुर खत्रीले कार्यक्रमको महत्त्वका बारेमा प्रकाश पार्नुभएको थियो। अध्यक्ष  राम बहादुर कार्की  र उपाध्यक्ष चेत कुमारी थापाले कृषकहरुलाई अनुदान रकम हस्तान्तरण गर्नुभएको थियो र रैनादेवी छहरा गाउँपालिकाका कृषकहरुलाई आत्मनिर्भर बनाउन, कोभिड-१९ का कारण बैदेशिक रोजगारीबाट फर्किएका युवाहरुलाई कृषि तर्फ आकर्षित गर्न यो कार्यक्रम प्रभावकारी साबित हुने बताउनुभयो साथै अध्यक्ष कार्कीले  रैनादेवी छहरा गाउँपालिकाले पाल्पा जिल्लामै नमुना रुपमा यो कार्यक्रम सफलतापूर्वक संचालन गरेर कृषकहरुको उन्नति र प्रगतिमा सहयोग पुगेको जानकारी गराउनुभयो।