२०७९ साल भाद्र ६ गते, सोमबार, छहरा।

रैनादेवी छहरा गाउँपालिकाको आर्थिक वर्ष २०७८/७९ मा भएका कार्यक्रमहरूको समिक्षा गर्न वार्षिक समिक्षा कार्यक्रम सम्पन्न भएको छ। गाउँपालिकाको  सभाहलमा सञचालन भएको कार्यक्रमको अध्यक्ष गाउँपालिकाका अध्यक्ष रुक्माङ्गत भट्टराई हुनुहुन्थ्यो। उपाध्यक्ष युवराज थापा लगायत अन्य कार्यपालिका सदस्यहरूर कार्यालयका सम्पूर्ण शाखाका कर्मचारीहरूको उपस्थितिमा प्रमुख प्रशासकीय अधिकृत राजिव पन्थीले आ.व. २०७८/७९ मा भएका कार्यहरूको बारेमा प्रस्तुतीकरण दिनुभएको थियो। 

रैनादेवी छहरा गाउँपालिकामा विभिन्न शाखाबाट सञ्चालन भएका योजना तथा कार्यक्रमहरूको बारेमा प्रमुख प्रशासकीय अधिकृत राजिव पन्थीले जानकारी गराउनु भएको थियो। अध्यक्ष रुक्माङ्गत भट्टराईले अघिल्लो आ.व. मा भएका कार्यक्रमहरूको प्रगति राम्रो देखिएको र आगामी दिनमा अझै प्रगति गर्दै जानुपर्ने सुझाव दिनुभयो।