२०७९ फागुन ३० गते

रैनादेवी छहरा गाउँपालिकाको आयोजनामा २०७९/११/३० गते ६ नं वडा कार्यालय, जुठापौवामा सार्वजनिक सुनुवाई कार्यक्रम सम्पन्न भएको छ। ६ नं वडाध्यक्ष श्री दोम बहादुर घर्तीको अध्यक्षता, गाउँपालिकाका लेखा अधिकृत श्री लिलामणि बश्याल, स्वास्थ्य शाखा प्रमुख श्री जिबन रानाको आतिथ्यतामा कार्यक्रम सञ्चालन भएको थियो। कार्यक्रममा वडा सदस्यहरू तथा गाउँपालिकाका शाखा प्रमुखहरूको उपस्थिति रहेको थियो।

कार्यक्रममा ६ नं वडाका वडा सचिव श्री हुम बहादुर कुवँरले प्रगति विवरण प्रस्तुत गर्नुभएको थियो। सहभागी महानुभावहरूले व्यक्त गर्नुभएका गुनासो तथा सुझावहरू उपर वडाध्यक्ष, लेखा अधिकृत, स्वास्थ्य शाखा प्रमुखले सम्बोधन गर्नुभएको थियो।

कार्यक्रमको सहजीकरण तथा सञ्चालन सामुदायिक रेडियो मुक्तिनाथका स्टेशन म्यानेजर भुवन रायमाझीले गर्नुभएको थियो।