२०७९ भाद्र ३१ गते, छहरा।

रैनादेवी छहरा गाउँपालिकामा स्थानीय तहमा एकीकृत स्वास्थ्य तथा पोषण कार्यक्रम , सुआहारा दोस्रो कार्यक्रमको सिकाई आदानप्रदान सम्बन्धी कार्यशाला गोष्ठी सम्पन्न भएको छ। गाउँपालिकाका अध्यक्ष रुक्माङ्गत भट्टराईको अध्यक्षता, गाउँपालिकाका उपाध्यक्ष युवराज थापा, प्रमुख प्रशाकीय अधिकृत दिनेश सारुको आतिथ्यता, विभिन्न वडाका वडाध्यक्षहरू, कार्यपालिका सदस्यहरू, गाउँकार्यपालिकाको कार्यालयका विभिन्न शाखा प्रमुखहरूको उपस्थितिमा कार्यक्रम सञ्चालन भएको थियो। कार्यक्रमको सञ्चालन स्वास्थ्य शाखा प्रमुख जिबन रानाले गर्नुभएको थियो। सुआहाराका तर्फबाट फिल्ड संयोजक दिनेश घिमिरे, पोषण सहजकर्ता निशा राउत लगायतको उपस्थिति रहेको थियो।

कार्यक्रममा सुआहाराका फिल्ड संयोजक दिनेश घिमिरेले रैनादेवी छहरामा गाउँपालिकामा सुआहारा दोस्रो कार्यक्रमले गरेका कार्यहरूको बारेमा प्रस्तुतीकरण गर्नुभएको थियो। सुआहाराले पोषण तथा अन्य स्वास्थ्य क्षेत्रमा पुर्‍याएका योगदानलाई सम्मान गर्दै गाउँपालिका अध्यक्ष रुक्माङ्गत भट्टराई, उपाध्यक्ष युवराज थापा र प्रमुख प्रशासकीय अधिकृत दिनेश सारुले सुआहारा अन्तर्गतका कर्मचारीहरूलाई सम्मान पत्र प्रदान गर्नुभएको थियो। कार्यक्रमको समापन गर्दै अध्यक्ष भट्टराईले सुआहारालाई धन्यवाद ज्ञापन गर्दै स्वास्थ्य र पोषणको क्षेत्रमा गाउँपालिकाले विशेष प्राथमिकताका साथ कार्यक्रमहरू सञ्चालन गर्ने बताउनुभयो।