२०७९ चैत्र १ गते

रैनादेवी छहरा गाउँपालिकाको आयोजनामा २०७९/१२/०१ गते ७ नं वडा कार्यालय, बल्ढेङ्गगढीमा सार्वजनिक सुनुवाई कार्यक्रम सम्पन्न भएको छ। ७ नं वडाध्यक्ष श्री देवेन्द्र पुनको अध्यक्षता, गाउँपालिकाका योजना अधिकृत श्री अंमृता पौडेल र वन, वातावरण तथा विपद् व्यवस्थापन समिति संयोजक श्री महेश बरालको आतिथ्यतामा कार्यक्रम सञ्चालन भएको थियो। कार्यक्रममा वडा सदस्यहरूको उपस्थिति रहेको थियो।

कार्यक्रममा ७ नं वडाध्यक्ष श्री देवेन्द्र पुनले प्रगति विवरण प्रस्तुत गर्नुभएको थियो। सहभागी महानुभावहरूले व्यक्त गर्नुभएका गुनासो तथा सुझावहरू उपर वडाध्यक्ष, वन, वातावरण तथा विपद् व्यवस्थापन समिति संयोजक, योजना अधिकृतले सम्बोधन गर्नुभएको थियो।

कार्यक्रमको सहजीकरण तथा सञ्चालन सामुदायिक रेडियो मुक्तिनाथका स्टेशन म्यानेजर भुवन रायमाझीले गर्नुभएको थियो।