२०८०/१०/२८ गते, अमलाबास ।

रैनादेवी छहरा गाउँपालिकाले आ.व. २०८०/८१ मा सम्पादन गरेका योजना तथा कार्यक्रम तथा सेवाग्राहीहरूलाई प्रदान गरिने सेवाको सम्बन्धमा पृष्ठपोषण लिने र कार्यप्रगति विवरण जानकारी गराउने उद्देश्यका साथ सार्वजनिक सुनुवाई कार्यक्रम सञ्चालन गरेको छ ।

कार्यक्रम गाउँपालिकाका अध्यक्ष रुक्माङ्गत भट्टराईको अध्यक्षता, उपाध्यक्ष युवराज थापा, प्रमुख प्रशासकीय अधिकृत कृष्ण प्रसाद तिमिल्सिना, वडाध्यक्षहरू, कार्यपालिकाका सदस्यहरू, वडा सदस्यहरु, शाखाका प्रमुखहरू तथा सरोकारवाला पक्षहरूको उपस्थितिमा सम्पन्न भएको छ । कार्यक्रममा प्रमुख प्रशासकीय अधिकृत कृष्ण प्रसाद तिमिल्सिनाले अर्धवार्षिक प्रगति प्रतिवेदन पेश गर्नुभएको थियो र उपाध्यक्ष युवराज थापाले स्वागत मन्तब्य राख्नुभएको थियो ।

कार्यक्रममा मान बहादुर थामी, माधव प्रसाद अर्याल, कृष्ण पोखरेल, किशोर कुमार कँडेल लगायतका वक्ताहरूले गाउँपालिकाको असल अभ्यासहरूको प्रशंसा गर्दै सुधार गर्नुपर्ने पक्षको बारेमा सुझाव दिनुभएको थियो । सुनुवाईका क्रममा उठेका जिज्ञासाहरूको सम्बोधन अध्यक्ष, उपाध्यक्ष, प्रमुख प्रशासकीय अधिकृत र सम्बन्धित शाखाका प्रमुखहरूले गर्नुभएको थियो ।

कार्यक्रममा सहजीकरण सामुदायिक रेडियो मुक्तिनाथका प्रबन्धक भुवन रायमाझीले गर्नुभएको थियो । कार्यक्रममा पाल्पा जिल्लाका पत्रकारहरू माधव प्रसाद अर्याल, कृष्ण पोखरेल, सन्तोष गहतराज लगायतको उपस्थिति रहेको थियो ।