२०७९ साल असार २४, छहरा।

रैनादेवी छहरा गाउँपालिकाले सहकारी संस्थाका कर्मचारीहरूलाई ३ दिने सहकारी लेखा तालिम प्रदान गरेको छ। आज सम्पन्न समापन समारोहमा कार्यक्रमका प्रमुख अतिथि गाउँपालिका अध्यक्ष रूक्माङ्गत भट्टराईले सहभागीहरूलाई प्रमाण-पत्र तथा प्रशिक्षक श्रीकृष्ण नेपाललाई मायाको चिनो प्रदान गर्नुभएको थियो। उहाँले सहकारी सम्बन्धी कार्यक्रमहरू सञ्चालन गरेर सहकारी क्षेत्रको विकास गर्दै लगिने बताउनुभएको थियो। कार्यक्रममा विशिष्ट अतिथिहरूको रूपमा उपाध्यक्ष युवराज थापा तथा प्रमुख प्रशासकीय अधिकृत राजीव पन्थी हुनुहुन्थ्यो।

कार्यक्रममा सहभागीको तर्फबाट मेघराज भण्डारी र श्रीकृष्ण आत्रेयले आफ्ना भनाईहरू राख्नुभएको थियो। कार्यक्रमको अध्यक्षता गर्नुभएका आर्थिक विकास समितिका संयोजक तथा ३ नं वडाका वडाध्यक्ष प्रदीप पौडेलले चाँडै नै गाउँपालिकास्तरीय सहकारी सञ्जाल निर्माण गरिने जानकारी गराउनुभएको थियो।

कार्यक्रमको सहजीकरण तथा सञ्चालन गाउँपालिकाको सहकारी फाँटका कर्मचारी पारसमणि पाण्डेले गर्नुभएको थियो।