१६ जेठ, छहरा। रैनादेवी छहरा गाउँपालिकामा गर्भावस्था देखि सुत्केरी अवस्था सम्म सेवाको निरन्तरताको लागि जनप्रतिनिधी र स्वास्थ्यकर्मीहरुको लागि अभिमुखिकरण तथा तालिम कार्यक्रम (SMNH Roadmap 2030) सुरु भएको छ। कार्यक्रम उद्घाटन पालिका अध्यक्ष रूक्माङ्गत भट्टराईले गर्नुभएको थियो भने स्वास्थ्य शाखा प्रमुख जिबन रानाले कार्यक्रममा बोल्दै यसको महत्व बारे प्रकाश पार्नु भएको थियो। सो कार्यक्रममा पालिका अध्यक्ष रूक्माङ्गत भट्टराई, उपाध्यक्ष युवराज थापा, प्रमुख प्रशासकीय अधिकृत राजीव पन्थी, वडाध्यक्षहरू, स्वास्थ्य संस्थाका कर्मचारीहरूको सहभागिता रहेको थियो। यो तालिम ३ दिन चल्ने छ।